بحث هذه المدونة الإلكترونية

ما بين ضحكة وابتسامة.... الف دمعة ودمعة !

دليل كامل لمصروفات و تنسيق ومعلومات أي معهد






ما بين ضحكة وابتسامة.... الف دمعة ودمعة !

بقلمي / أحمد حسن عبد الكريم

كلنا بنضحك كلنا أو معظمنا الأبتسامة مش بتفارق وشه
كلنا بنمارس حياتنا بشكل يميل إلى الطبيعى بدرجة كبيرة
كتير أوى مننا بيخاف على ناس كتير تهمه وبيحس بهمهم
لو زعلوا قلبه بيتقطع عليهم ويتمنى إنه لو كان مطرحهم
وبيعيش معاهم المشكلة وبيبقي جزء من حلها بيرجعله
حتى لو ملقاش حل أو كان وجوده زى عدمه!
يكفي إن هو شارك وشال من الآسي جزء من على صاحبه
دايماً لما تحزن الناس اللى حواليه
بنلاقي وشه ظهر عليه معانى الزعل بدون إستدعاء
بنلاقيه دايماً كل اللى حواليه بيصعبوا عليه بمجرد دخولهم في أى محنة

وبتمر على النوعية دى من الناس دايماً ظروف وحشة
زى باقي البشر بيدخل في أزمات ومحن وبيبص في عيون اللى حواليه
فـي العيون اللى ياما خاف على جرحها وزعلها
في العيون اللى مقدرش يستحمل ضعفها
بص فيها ملقاش غير جحود وعدم اهتمام
بص فيها لقي قسوة وندالة

على مين تصعب الناس دى ؟!!
لما اللى حواليه مش حاسين بيه!
طب وهو لما يحب ينطق مع مين هيتكلم ؟!
مع الناس اللي عرفها ومش حاسة بيه أصلاً؟
واللا مع الناس اللى متعرفوش!!
طب اللى حواليه دول مفكروش قبل كده بإنه جواه وجواه وجواه
كتير وكتير شايل وساكت
شايل ومستنى اللى يشيل معاه
شايل ومحتار في اللى جواه
شايل ومن همه التقيل مبقاش عارف يا ترى اللى هو فيه همْ واللا عبارة عن توهة دخل جواها عشان تعرفه بإنه اتحمل وملقاش اللى يستحمله ؟!
طب واللى حواليه مظنوش بإن الشخص ده جواه كتير من الهم؟!
مظنوش إن ورا ابتسامته دمعة مبتقرهاش عنيه وبتفضل في قلبه؟!

معرفوش إن ما بين ضحكته والتانية ألف دمعة ودمعة؟!


دليل كامل لمصروفات و تنسيق ومعلومات أي معهد




ليست هناك تعليقات:

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

يتم التشغيل بواسطة Blogger.