جالك الاحساس ده قبل كدا كتير ؟

دليل كامل لمصروفات و تنسيق ومعلومات أي معهد

جالك الاحساس ده قبل كدا كتير ؟

بقلمي / أحمد حسن عبد الكريم

 جالك الاحساس ده قبل كده ..!!!
حسيت انك مش فاهم الدنيا
حسيت انك تايه فيها
حسيت انك زعلان وبدون اسباب
حسيت انك عبيط وغلبان
حسيت انك غريب في واقع مش بتاعك
حسيت انك مظلوم

طب دورت على اللى مخليك تحس بكده...؟
حاولت تعمل مقارنة بحالك دلوقتى وحالك زمان...؟
يعنى دورت في دفاترك القديمة يمكن تلاقي اللى يفيدك في جديدك..؟

طب لما دورت عرفت تطلع بحاجة..؟
طب عرفت انت مين ..؟؟!!
طب تقدر تعرف مين اللى اتغير انت واللا الناس...؟
طب ممكن تحط ايديك ع الخطأ وتعالجه..؟

للأسف الأكترية مش هيلاقو علاج لحالهم ولا هيعرفوا
هم بقيوا ليه كده وأيه السبب
عارفين ليه ..؟؟
علشان نفسك ضحكت عليك
اه ضحكت عليك متستغربش
ضحكت عليك لما خليتك تبدل بين الامور وتوه جواها
ضحكت عليك لما مخلتكش تعرف تفرق ما بين قدر ونصيب وكدب وغلط
غلط مننا ومن غيرنا
خليتك تعالج الامور بعلاج امور تانية
فهمتك معنى الامور بلون مختلف انت عايز تفهمها بيه

ممكن اخيرا اضيف كلمة
علشان منستغربش من الدنيا
يبقي لازم نفرق كويس بين القدر والابتلاء
و انهم من عند الله وما علينا غير الصبر
ونفرق بين غلطنا اللى لازم نصلحه
وغلط اللى حوالينا اللى لازم منوافقهمش عليه
وبين الصاحب والعدو وبين الاوهام والحقيقة
لازم نفرق بين الامور علشان مينفعش نزعل على احوالنا وخلاص
علشان مينفعش لما يدور بينا الزمان منلقيش اجابة ليه بقينا كده...؟

دليل كامل لمصروفات و تنسيق ومعلومات أي معهد